偷龍轉鳳

私人汽車交易時常發生之棍騙手法,騙徒首先買入一部{種車} 即性能良好, 熱門新款汽車,另買入多部{鞋車},與{種車}同車廠及形號甚至同顏色,但 年份最少舊十年,性能完全無要求,最緊要平最好係{種車}既十分一價錢以下。
例如{種車}係2007年corolla {鞋車}係1996年corolla 騙徒在報紙或網上登廣告,聲稱2007年corolla 賣$45000 {假設市價值$70000} 當然好快吸引到好多人去詢問,騙徒會將架車泊在公眾地方讓買家自己睇車, 而佢就暗中監視,挑選一D外貌較斯文又或女仕們落手,然後揀啱下手對象後, 騙徒會出現並商談如何交收。騙徒會先收取訂金然後約買家第二天到運輸 署交收車輛及過戶,騙徒會替買家準備埋臨時保單以供過戶之用。 過戶前先帶買家再看一次該車,如無問題的話在過戶後要一手交車匙,一手交尾數,買家當然照辦。 過戶後買家如數付清尾數後滿心歡喜去揸新車,但係,條車匙點解開唔到門呢? 此時騙徒會話呢架車唔你既,然後指住另一架1996年既corolla,呢架先係你既! 買家百思不得其解,心想昨天睇車時已檢查晒D資料,底盤號碼及機器號碼亦 與牌部相符,汽車登記編號亦一樣,點解會咁呢? 然後攞出牌部一看方知自己太大意,汽車登記編號是一樣,但其他資料完全不 同,
自己買入既係1996年corolla。 其實騙徒在交收前預先將2007年corolla的車牌號碼留起並轉移去1996年的 corolla牌照上,在過戶前並故作大方地讓買家再看一次牌部上的資料,包括 車牌號碼、廠名、形號及顏色,但刻意用手指蔗蓋著制造年份, 買家看見 的資料跟自己買的車輛資料都一樣,就放心去辦過戶,點知就咁中招! 各位,呢D屎橋雖然舊,但係中招既人不計其數,真人真事!