賣咗車是否可即時取消第三保

賣咗車是否可即時取消第三保?

原則上係可以,但要確定買家已辦妥轉名手續,否則切勿取消保險!
法例規定新車主需於購買車輛後之72小時內辦理轉名過戶手續,
否則違法,需要罰款。
但在此72小時內發生任何意外導至索償由邊個負責?新車主購買之
第三保仍未生效,舊車主的保單又已經取消或轉移至其他車輛,該車
在毫無保險保障下非常危險,遇到任何事故新舊車主都有可能蒙受
巨大損失!有好多車主都曾經經歷過呢種風險,但佢哋唔知,舉例:
去車展睇啱架車後,用自己部舊車同佢trade in ,然後將部舊車保險單
套落新車使用,舊車就交俾車行,攪掂! 咁舊車過咗戶未呢?如果未的話,
舊車有事故發生邊個負責?正確做法係將新車過戶時同一時間將舊車過
戶俾車行,如車行唔肯就取消交易!又或者車行話呢架車太舊了,我幫你搵
人劏咗佢,你留低牌部我幫你攪掂,放心!我哋唔會揸你架車。 首先,佢幫
你處理架舊車有冇講明時限,保單已轉移至新車而舊車停泊在車場是否就
安全?如不幸發生火警,火勢由你架舊車蔓延至其他車輛,其他車輛苦主是否
會因你架車準備要劏和沒有保險保障而放棄追究責任?
如舊車要劏,最好直接聯絡劏車公司,領取劏車紙後即時辦理取消車輛登
記手續,然後才將保單轉移至新車。