其實搵第三者代辦劏車有冇風險呢

Q:其實搵第三者代辦劏車有冇風險呢?

我好忙,冇時間辦理, 如有風險該怎辦?
A:現時辦理劏車過程及手續非常方便快捷,先預約時間地點及擬定價錢, (可在清早上班前或晚上放工後)劏車公司會帶備劏車文件及政府表格, 大約十分鐘已可完成交收,如冇時間親自到運輸署辦理取消車輛登記手續 可集齊所需文件包括:車輛登記文件、車輛牌照、劏車紙、車主身份証 副本{加簽署}及已填妥之TD184表格。然後寄往以下地址 Transport Department Kwun Tong Licensing Office P.O.Box 69511, Kwun Tong Post Office,Kowloon 置於搵第三者代辦劏車有冇風險呢?我覺得有,第三者一般都以較低價錢 向車主買入,然後以較高價賣給劏車公司,賺取差價所謂“茶錢”,我眼見 幾乎個個都要賺“茶錢”,佢地衹問價錢不問手續,好多仲揸住車主既牌 部,領取劏車紙後就了事,並無代辦取消車輛登記手續,其實好多車主都試 過咁做,請細心想想當你交車及牌部予中間人時,你有冇簽署 TD184表格 及車主身份証 副本{加簽署}呢? 如果冇,中間人又如何能取消車輛登記呢? 但係過後問返中間人攪掂未,佢地實話攪掂! 可以話俾各位車主知道,未 正式辦理取消車輛登記手續既後果可以非常嚴重! 如該車處理不當引 致任何意外,苦主有權向登記車主索償,而該車又沒有第三者保險,車主 有可能因此而導致破產! 劏車衹需打一個電話,然後用十幾分鐘時間, 在自己停車場交收,再親手寄一封信去運輸署就可完成,何必假手於人!

我架車在年檢時被發現車身底盤號碼有改動過的痕跡該怎辦

Q:我架車在年檢時被驗車師傅發現車身底盤號碼有改動過的痕跡,需轉介
政府驗車中心進行覆驗,如真有改動過底盤號碼該怎辦?

A: 如該車在車身底盤號碼有改動過的痕跡,而你又係二手買該車的話,好 大可能呢架車係曾經非法改裝車身,俗稱“笠殼”,係犯法行為,如不幸 買入該類“笠殼”車,唯有劏車,因為如經証實,此車將不獲續發牌照, 但劏車價不會因此而受影嚮,同正常劏車價一樣。

架車在能夠行駛時,劏車價錢比現在不能開動價錢相差很遠呢

Q: 為甚麼我架車在能夠行駛時,劏車價錢比現在不能開動價錢相差很遠呢?

A: 一般能夠開動之汽車可以獲得更高劏車價錢是因為劏車公司可以看見 汽車各部件表現,從而計算劏車價值,但如該車不能開動,所有部件都無法 評估其性能,所以建議車主定時保養及每隔數天就要將車輛運行,而大部 份劏車公司都會盡力將客戶車輛重新啟動,以評估劏車價值。 如因久未開動而令電池耗盡之情況下,絕大部份汽車都能再接電源下重 新啟動,劏車價錢絕對不會因此而減少,但當然要搵信譽良好既劏車公司。

我代朋友處理取消車輛登記及退牌費事宜

Q:我代朋友處理取消車輛登記及退牌費事宜,但朋友已離港及沒有地址,如何取回
剩餘牌費呢?

A:你可致函向運輸署申請將剩餘牌費寄往新地址及將支票抬頭寫上代辦人名字,
申請信模式如下:
———————————————————————–
致運輸署:本人 XXX 香港身份證NO 123456 為車輛 ZZ168 之登記車主 本人現聲明將車輛現有之牌費取消及將牌費退款給予 YYY ,支票抬頭人請開 YYY ,特此聲明 敬希垂注。現授權來人:___________ 香港身份證NO _______________代辦退牌費手續.。

支票收款人:_____________聯絡人電話:______________

郵寄地址:______________________________

登記車主簽署:__________日期:_________

———————————————————-

我架車已停放了超過兩年被運輸署取消車輛登記

Q:我架車已停放了超過兩年而運輸署亦通知本人車輛登記被取消,
是否意味本人無需再辦理任何手續?

A:錯!運輸署祇是取消該車之使用權,並未豁免車主對該車之責任,
如該車處理不當引起任何責任問題,車主需負全責。
正確做法應盡快聯絡劏車公司處理該車並領取
車輛拆毀證明文件(劏車紙)然後到運輸署辦理取消車輛登記手續。